Kolona deri në 10 kilometra në Merdar

Kolona të gjata janë krijuar për të hyrë në Kosovë nga Merdari.

Kolona është mbi 10 kilometra, e cila shihet nga një video, ku radha e gjatë e veturave që po presin për të hyrë në këtë pikë kufitare është e pafund.

Derisa ky qytetar është ankuar se kolona ka arritur në 10 kilometra, ndryshe është në faqen e Qendrës Kombëtare për Menaxhimin Kufitar, ku thuhet se kolonat në Merdar janë deri në dy kilometra dhe pritjet janë deri në pesë orë.

Kolona të gjata janë krijuar në pothuajse krejt pikat kufitare për hyrje në Kosovë, veçanërisht në Jarinjë dhe Merdar, për shkak të fluksit të madh të mërgimtarëve që ia kanë mësyrë vendlindjes për festat e fundvitit.