Swissmedic jep lejen për ilaçin kundër kovidit, “Ronapreve”

Mund të përdoret tek ata që vuajnë nga Covid-19 kur terapia me oksigjen ose shtrimi në spital nuk janë të nevojshme

Operatori zviceran i barnave, Swissmedic ka miratuar ilaçin kundër Covid 19, Ronapreve.

Ronapreve mund të përdoret si një kombinim antitrupash për të trajtuar ose parandaluar sëmundjen e koronavirusit. Ky ilaç nga prodhuesi zviceran Roche është përdorur në Zvicër që nga prilli, bazuar në Urdhëresën 3 të Covid 19.

“Swissmedic që atëherë e ka bërë kontrollimin e tij dhe tani ka arritur në përfundimin se Ilaçi e ka dëshmuar veten” – thotë zëdhënësi i medias Swissmedic Alex Josty për SRF, transmeton albinfo.ch. “Me miratimin e Ronpreve, shohim një mundësi tjetër për t’u përballur me sëmundjen.”

Sipas Swissmedic, Ronapreve mund të përdoret tek të rriturit dhe adoleshentët e moshës mbi 12 vjeç, që peshojnë të paktën 40 kilogramë. Mund të përdoret tek ata që vuajnë nga Covid-19 kur terapia me oksigjen ose shtrimi në spital nuk janë të nevojshme dhe ekziston një rrezik i lartë për një rrjedhë të rëndë të sëmundjes.

Ronapreve është ilaçi i parë i miratuar në Zvicër për parandalimin e Covid-19. Mund të përdoret nëse, për shkak të sëmundjeve ose terapive të tjera, nuk mund të krijohet përgjigje e duhur imune ndaj vaksinimit, thuhet më tutje në komunikatën e Swissmedic.

---