Rritje e lartë e infektimeve në Evropë

Vendet evropiane bëjnë thirrje për vaksinim masiv

Shumë shtete evropiane po shënojë rritje të lartë të të infektuarve me koronavirus, sidomos me variantin Omicron. Në krejt këtë situatë, vaksinimi po shihet si mënyra më e sigurt dhe e vetme për lehtësim të gjendjes.

Kështu, nga shtetet e rajonit Franca po raporton një rritje të theksueshme të të infektuarve me COVID dhe shkak është transmetueshmëria e lartë nga varianti Omicron.

Në 24 orët e fundit në vend janë regjistruar 360 mijë raste të të prekurve, përcjell Albinfo.ch.

Ministri i Shëndetësisë, Olive Veran, e cilëson këtë një valë të re të pandemisë.

“Nuk kemi pasur shifra të tilla që nga nisja e krizës shëndetësore. Është një valë e re. Shifrat flasin qartë 22 mijë pacientë të shtruar në spital me COVID-19 dhe 3900 ndodhen në kujdes intesiv në reanimacion”, u shpreh ministri, transmeton Euronews.

Italia po ashtu raporton një rritje rekord të të infektuarve, më shumë se 220 mijë të prekur, dyfishi i një dite më parë. Edhe pse infektimet janë më pas serioze sesa variantet e tjera, qytetarët e pavaksinuar janë më të rrezikuar.

Stafi mjekësor në spitalin në Kremona në veri të vendit u bën thirrje italianëve të vaksinohen.

“Vaksina është mjeti kryesor që ne kemi dhe që garanton se personat e infektuar do të kenë më pak dëme në shëndet. Ajo siguron më pak shtrime në spital dhe më pak të sëmurë në njësitë e kujdesit intensiv”, u shpreh Enrico Storti, drejtor i kujdesit intensiv në spitalin në Cremona.

Turqia është një tjetër shtet ku po regjistrohet një rritje e lartë e të infektuarve, më shumë se 74 mijë infektime të reja. Në dhjetor u raportua për 20 mijë të prekur.

 

---