Arrestohet infermierja, e cila u ‘jepte’ vaksina fals skeptikëve të vaksinave

Në këmbim të certifkkatës së vaksinimit, njerëzit paguanin nga 200 deri në 400 euro

Policia italiane njoftoi se ka ndaluar një skemë vaksinimesh të rreme, me të cilat persona me bindje anti-vaksina merrnin dokumentin ‘green pass’ në qytetin jugor të Palermos.

Një infermiere italiane hiqej sikur u bënte injeksionin aktivistëve anti-vaksina në mënyrë që ata të merrnin “certifikatën shëndetësore”, që kërkohet sipas rregullave të ashpra në vend për të hyrë në bare, restorante dhe transportin publik, transmeton Tch, përcjell Albinfo.ch.

Hetuesit përdorën një kamera të fshehtë për të regjistruar 58-vjecaren që punon në një qendër vaksinimi në kryeqytetin e ishullit të Siçilisë.

Në pamjet e publikuara gruaja shihet që mbush shiringën dhe më pas e zbraz atë në një garzë para se të bëjë sikur e injketon në krahun e ‘pacientit’ anti-vaksinë.

Policia tha se në këtë mënyrë ajo kishte vepruar dhe me vaksinën e saj prandaj u arrestua me akuza falsifikimi dhe përvetësimi të jashtëligjshëm.

Kjo nuk është hera e parë që diçka e tillë ndodh në Itali teksa disa infermierë dhe doktorë janë ndaluar për dhënie të dozave të dyshimta të vaksinimit muajt e fundit, për të cilat njerëzit paguanin 200 deri në 400 euro.

 

---