Gjermania me rekord rastesh ditore me Covid-19, për herë të parë që nga fillimi i pandemisë

(AP Photo/Michael Probst)

Gjermania ka tejkaluar 100,000 raste ditore me Covid-19, për herë të parë që nga fillimi i pandemisë, ndërsa varianti Omicron po godet popullsinë e vendit.

Shifrat e së mërkurës nga Instituti Robert Koch (RKI), agjencia kombëtare e kontrollit të sëmundjeve, treguan se 112,323 raste ishin regjistruar në 24 orë.

Të premten, shifrat ditore kaluan shifrën 90,000 për herë të parë, dhe një javë më parë u zbuluan 80,430 raste të reja.

Incidenca shtatëditore e infeksioneve për 100,000 njerëz ishte 584.4 të mërkurën, krahasuar me 553.2 një ditë më parë dhe 407.5 një javë më parë.

Kreu i RKI, Lothar Wieler, foli kohët e fundit për një “fazë të re” të pandemisë përderisa infeksionet rriten.