Kosovë: Qindra mjekë e infermierë, të infektuar me Covid-19

Keystone (AP Photo/Visar Kryeziu)

Ministri i Shëndetësisë, Rifat Latifi, gjatē kohës sa përgjigjej në kritikat e opozitës në Kosovë rreth menaxhimit të pandemisë, ka bërë ditur se një numër i madh i personelit shëndetësor është i infektuar.

“Sipas të dhënave të SHSKUK-së dhe QKUK-së, në të gjitha spitalet tona janë në trajtim 181 pacientë, prej tyre 149 me COVID të konfirmuar dhe vetëm dy në kujdesin intensiv. Unë pajtohem sërish dhe plotësisht me kolegun tim Dreshaj që ne duhet të rritim numrin dhe kualitetet e shërbimeve të kujdesit intensiv në Kosovë. Elementi i tretë që ne jemi duke u bazuar është numri i punëtorëve shëndetësorë të infektuar me COVID, përkatësisht aftësia e sistemit shëndetësor t’i përballojë një fluksi të madh të mundshëm. Sipas të dhënave të djeshme, ne kemi pasur mbi 130 mjekë dhe 160 infermierë të infektuar, por në bazë të evidencës me Omicron  dhe praktikave të menaxhimit që filloi në SHBA, ne e kemi shkurtuar afatin në punë në pesë ditë nëse janë pa simptoma klinike”, tha ai.