Gjermani: Sot vendoset për njohjen e patentë shoferëve nga Shqipëria dhe Kosova

Gjermani - unsplash - photo by Florian Wehde

Para pak minutash ka nisur seanca e Bundesratit, ku sot do të vendoset edhe për njohjen e patentave të shoferëve nga Kosova dhe Shqipëria, transmeton albinfo.ch.

Theksohet se patentat janë në rend dite më vonë.

Gjermania dhe Kosova janë shumë afër finalizimit të marrëveshjes për njohjen e patentë shoferëve. Verdiktin final për këtë gjë pritet që ta japin anëtarët e Bundesrat-it gjerman në seancën e sotëme të 11 shkurtit 2022. Nga 69 anëtarë sa janë pjesë e Bundesrat-it, 35 vota duhet të jenë në favor të njohjes së patentë shoferëve të Republikës së Kosovës.

Thuhet se votën “për” pritet ta japin “Të Gjelbërit”, të cilët kanë një numër të konsiderueshëm të përfaqësuesve në Bundesrat. Kështu ka thënë zëdhënësi i partisë së “Të Gjelbërve” për çështje të të drejtave të njeriut, Boris Mijatovic.