Si të kërkoni bonusin tuaj të vaksinimit prej 100 eurosh në Austri

Të vetëpunësuarit në Austri tani mund të kërkojnë një bonus 100 Euro nëse imunizohen plotësisht kundër Covid. Por çfarë duhet të bëjnë për të marrë paratë?

Austria u jep të gjithë personave të siguruar në sistemin e sigurimeve SVS – personat që bëjnë pjesë në kategorinë Selbstständige (Të vetëpunësuar) dhe Landwirte (fermerë) – një bonus prej 100 eurosh nëse mund të vërtetojnë se janë plotësisht të vaksinuar, njofton albinfo.ch.

Bonusi mund t’u jepet gjithashtu personave në ngarkim të siguruar me SVS nën mbulimin tuaj (fëmijë, bashkëshortë dhe pensionistë), nëse edhe ata i plotësojnë kërkesat.

Oferta deri më tani vlen vetëm për vitin 2022 dhe paratë transferohen direkt në llogarinë e të siguruarit.

Ju mund të aplikoni për bonus duke plotësuar një formular online për sa kohë që keni një Handy-Signatur ose një ID-Austria të konfiguruar. Aplikimin mund ta bëni KETU

Çfarë duhet të dini lidhur me këto kushte:

 

Fëmijët deri në 15 vjeç

Vaksinimet kundër gripit, HPV.

Dëshmi e një vaksinimi pneumokokal (kjo mbron nga sëmundja pneumokokale, e cila është çdo lloj sëmundjeje e shkaktuar nga bakteret Streptococcus pneumoniae).

Data e injektimit të fundit të FSME. Kjo duhet të jetë brenda pesë viteve të fundit. Injeksioni FSME mbron nga encefaliti i shkaktuar nga rriqrat.

Dëshmi se atyre u janë dhënë vaksina të kombinuara për fruthin, shytat dhe rubeolën, si dhe për difterinë, tetanozin, pertusisin, poliomielitin dhe hemofili.

 

Njerëz të moshës nga 15 deri në 60 vjeç

Data e vaksinimit të fundit të MMR (fruthit, shytave, rubeolës) dhe poliomielitit. (Kjo duhet të jetë brenda 10 vjetëve të fundit).

Data e injektimit të fundit të FSME.

Data e vaksinimit të fundit kundër Covid-19 (kjo duhet të jetë e vlefshme sipas situatës aktuale ligjore).

Data e një certifikate rikuperimi Covid-19 (kjo nuk duhet të jetë më e vjetër se gjashtë muaj).

 

Të rriturit mbi 60

Dëshmi e një vaksinimi pneumokoku.

Data e injektimit të fundit të FSME.

Data e vaksinimit të fundit kundër Covid-19 (kjo duhet të jetë e vlefshme sipas situatës aktuale ligjore).

Data e një certifikate rikuperimi Covid-19 (kjo nuk duhet të jetë më e vjetër se gjashtë muaj).

 

Të vaksinuarit jashtë vendit

SVS i tha The Local se personat e vaksinuar jashtë Austrisë mund të tregonin Impfpass-in e tyre të verdhë (broshurën ndërkombëtare të vaksinimit) për të vërtetuar nëse kishin bërë ndërhyrjet e nevojshme, ose të dërgonin ndonjë provë ose shpjegime tjetër për të treguar se përmbushnin kërkesat.

 

---