OBSH për forcimin e rolit, teksa SHBA propozon fondin e ri të pandemisë

Përpjekjet për të forcuar sigurinë globale shëndetësore do të kenë sukses vetëm nëse rritet roli i Organizatës Botërore të Shëndetit (OBSH), tha kreu i agjencisë të enjten, pasi donatori i saj më i madh, Uashingtoni, propozoi një fond të ri global për parandalimin e pandemisë, shkruan Reuters, përcjell albinfo.ch.

Duke folur në një takim të udhëheqësve të financave të G20, drejtori i përgjithshëm i OBSH-së, Tedros Adhanom Ghebreyesus, po i përgjigjej idesë së një fondi të veçantë shëndetësor global, i ngarkuar me ofrimin e fondeve të urgjencës, vaksinave dhe nevojave të tjera mjekësore.

“Është e qartë se në qendër të kësaj arkitekture bota ka nevojë për një OBSH të fortë dhe të financuar në mënyrë të qëndrueshme… me mandatin e saj unik, ekspertizën teknike unike dhe legjitimitetin unik global”, tha Tedros në një panel në kryeqytetin indonezian, përcjell tutje albinfo.ch.