Mbretëria e Bashkuar dërgon ekspertë të krimeve të luftës në Ukrainë

Keystone (AP Photo/Alexei Alexandrov)

Britania tha të premten se po dërgonte ekspertë për të ndihmuar Ukrainën me mbledhjen e provave dhe ndjekjen penale të krimeve të luftës, me një ekip që do të mbërrinte në Poloni në fillim të majit, përcjell albinfo.ch.

Ukraina thotë se po heton rreth 7600 krime të mundshme lufte dhe të paktën 500 të dyshuar pas pushtimit rus të fqinjit të saj më 24 shkurt.

“Rusia ka sjellë barbari në Ukrainë dhe ka kryer mizori të ndyra, përfshirë kundër grave. Ekspertiza britanike do të ndihmojë në zbulimin e së vërtetës dhe do të mbajë regjimin e (presidentit rus Vladimir) Putin përgjegjës për veprimet e tij”, tha Sekretarja e Jashtme, Liz Truss.

Njoftimi vjen ndërsa Truss udhëton në Hagë për t’u takuar me Presidentin e Gjykatës Penale Ndërkombëtare, gjyqtarin Piotr Hofmanski dhe homologun e saj holandez, Wopke Hoekstra, përcjell tutje albinfo.ch.