Mori me vete suxhuk e djathë, dënohet mërgimtari nga Gjermania me 1,680 euro

Një përvojë jo e këndshme e mërgimtarit në kufi me Kroacinë.

Si çdo vit, shumë mërgimtarë, marrin ushqime nga Kosova për të derguar në vendet ku ata jetojnë në mërgim.

Ani pse në çdo vit, shumë prej tyre u denuan në kufijtë e shteteve tjera për shkak të ushqimeve, kjo duket se ende po vazhdon, transmeton albinfo.ch.

Një mërgimtar nga qyteti i Prizrenit i cili ishte nisur drejt Gjermanisë, ka rrëfyer përvojen e tij jo aq të këndshme që i ka ndodhur në kufi me Kroacinë.

Ai ka marrë me vete suxhuk e djathë, me ç’rast është dënuar 1680 euro.

Pas kësaj gjobe, mërgimtari nga Prizreni iu ka apeluar të tjerëve që të mos bartin me vete produkte ushqimore në mjetet e tyre, ngase mund të dënohen.

“I kisha lut edhe tjerët, mos të gabojnë me marrë se shumë dënime ekstreme”, tha L.Krasniqi për tvprizrenin. /Albinfo.ch

---