BE: Përdorimi i armëve bërthamore nga Rusia, rrezik global

Presidenti i Këshillit Evropian, Charles Michel e ka cilësuar si rrezik për sigurinë globale kërcënimin e Rusisë për përdorimin e armëve bërthamore gjatë sulmeve të saj në Ukrainë.

Në kuadër të vizitës së tij zyrtare në Japoni, Michel vizitoi qytetin Hiroshima në jugperëndim të vendit dhe bëri thirrje që bota të shpëtojë nga armët e shkatërrimit masiv.

Gjatë vizitës së tij në Muzeun Memorial të Paqes në Hiroshima, Michel nënshkroi librin e vizitorëve dhe vuri në dukje se Hiroshima e nxit atë drejt një vullneti intensiv për eliminimin e armëve bërthamore.

Presidenti i Këshillit Evropian diskutoi sulmet e Rusisë në Ukrainë dhe theksoi se kërcënimi i Moskës për përdorimin e armëve bërthamore është rrezik për sigurinë globale, i turpshëm dhe i papranueshëm.

“Parimet ndërkombëtare dhe organizatat globale për çarmatimin dhe kontrollin e armëve bërthamore duhet t‘i mbrojmë dhe t‘i rinovojmë për të mbrojtur paqen dhe sigurinë”, tha Michel.

---