Piloti i ri nga Kosova që po shkollohet në Akademinë Evropiane të Aviacionit

Ai flet për sfidat e para të fillimit të jetësimit të ëndrrës së tij për t’u bërë pilot.

I riu, Blin Hoxha, i lindur dhe rritur në Prishtinë por me prejardhje nga Zhuri, aktualisht është duke u shkolluar në Akademinë e Aviacionit në Maltë “ European Malta Academy”, një ndër akademitë më prestigjioze të aviacionit jo vetëm në Evropë.Ai është i vetmi shqiptar i cili po shkollohet në këtë Akademi.

Ai në një prononcim për TV Prizreni, tregon kohën kur i lindi dëshira për t’u bërë pilot. Blini tregon edhe për sfidat e para të fillimit të jetësimit të ëndrrës së tij për t’u bërë pilot.“Kur kam vendosur të bëhem pilot kam qenë shumë i vogël. Kam filluar duke i shikuar aeroplanat. Kur kam vendos me u regjistru në akademi ka qenë pandemi dhe ka qenë vështirë sepse shumë shtete kanë qenë mbyllur, por më kanë ndihmuar disa kompani në Kosovë dhe më kanë gjetur këtë shkollën në Maltë”, ka thënë ai.

---