Promovohen prodhimet e Kosovës në panairin ndërkombëtar në Holandë

KIESA

Prodhimet e kompanive nga Kosova do të promovohen në panairin ndërkombëtar në Holandë, njofton albinfo.ch.

Janë katër kompani nga Kosova që do të marrin pjesë në panairin ndërkombëtar “WORLD PRIVATE LABEL 2022”, që do të mbahet në Amsterdam të Holandës, më 31 maj dhe 1 qershor 2022.

Pjesëmarrja e kompanive: KAMILA, KOSOVA WINE, HIT FLORES LLC dhe EGI GROUP do të mundësohet nga MINT/KIESA.

Këto kompani do të promovojnë prodhimet e tyre nga sektori i ushqimit dhe i pijeve në hapësirën ekspozuese prej 36 m2 që gjendet në Europa Complex, Hall 7, në shtandin me numër F-7463.

Produktet që do të ekspozohen nga kompanitë e Kosovës janë: çokollata të llojeve të ndryshme, prodhime konditorike, biskota, shpageta, makarona dhe brumëra te ndryshëm, fruta mali të ngrira dhe të thata, bimë mjekuese aromatike, kërpudha, dredhëza, prodhime ECO dhe organike, pije alkoolike etj.

Panairi mbahet në RAI Exhibition Centre në Amsterdam të Holandës.