Vuçiqi përballë Kurtit dhe Abazoviqit

Në Forumin Ekonomik Botëror në Davos dje u mbajt edhe një takim me disa nga liderët e vendeve të Ballkanit Perëndimor, ku ishin kryeministri i Kosovës, Albin Kurti, ai i Malit të Zi, Dritan Abazoviq dhe presidenti i Serbisë, Aleksandar Vuçiq. Ata së bashku me pjesëmarrës të tjerë ishin në të njëjtin panel, me titull: “Dialogu i Diplomacisë për Ballkanin Perëndimor”.

Fotografi nga ky takim janë publikuar nga qeveria e Malit të Zi, ku prezent është edhe kryeministri Dritan Abazoviq.

“Takimi i kryeministrit në nivel të lartë Dritan Abazoviq, së bashku me liderë rajonalë dhe evropianë nga bota e politikës dhe biznesit, si dhe përfaqësues të shumë organizatave ndërkombëtare, në Forumin Ekonomik Botëror në Davos”, thuhet në njoftim.