Kurti viziton një fabrikë të çokollatave, ndër më të njohurat në Zvicër

"Me çokollatën zvicerane mirëpritet secili në Kosovë"

Kryeministri i Republikës së Kosovës, Albin Kurti, ka vizituar fabrikën zvicerane të prodhimit të çokollatës “Läderach”, njofton albinfo.ch.

Ai është shprehur se çokollatën zvicerane e mirëpritet secili në Kosovë, por edhe kudo tjetër.

Gjatë takimit, Kurti u ka bërë ftesë drejtuesve të fabrikës që të kenë parasysh hapjen e një dege të prodhimit të çokollatës edhe në Kosovë.

Për shkak të diasporës sonë të madhe, posaçërisht në vendet gjermanofolëse Zvicër, Gjermani dhe Austri dhe dërgesave të tyre prej një miliard euro në vit, konsumi vendor është në shkallë të mirë, ka thënë kryeministri. /Albinfo.ch

---