Scholz përmbyll Forumin Ekonomik në Zvicër

Ai përsëriti besimin e tij se presidenti rus Vladimir Putin nuk do ta fitojë luftën në Ukrainë.

Në përmbyllje të Forumit Ekonomik Botëror, i cili u mbajt në Davos të Zvicrës, kancelari gjerman, Olaf Scholz, përsëriti besimin e tij se presidenti rus, Vladimir Putin, nuk do ta fitojë luftën në Ukrainë.

“Ajo tashmë ka humbur të gjitha qëllimet e saj strategjike. Marrja e gjithë Ukrainës nga Rusia duket më larg sot se sa ishte në fillim të luftës. Më shumë se kurrë, Ukraina po nënvizon të ardhmen e saj evropiane”, theksoi ai, transmeton Albinfo.ch.

Për më tepër, sipas kancelarit gjerman, brutaliteti i luftës ruse e ka bashkuar kombin ukrainas më shumë se kurrë dhe i ka shtyrë dy shtete të afrohen më shumë me NATO-n, Suedinë dhe Finlandën, dy mike dhe partnere të ngushta, që duan t’i bashkohen Aleancës së Atlantikut të Veriut.

”Putin dëshiron të kthehet në një rend botëror, ku më të fortët diktojnë atë që është e drejtë. Kjo është një përpjekje për të na bombarduar në një kohë kur lufta ishte një mjet i zakonshëm i politikës”, theksoi Scholz.

---