Nga 1 qershori, njerëzit mund të udhëtojnë në Gjermani pa asnjë kufizim

Njerëzit që udhëtojnë në Gjermani nuk do të duhet të tregojnë prova të vaksinimit, shërimit ose një test negativ – i njohur si rregulli 3G.

Lehtësohen kufizimet e udhëtimit

Nga 1 qershori, njerëzit që udhëtojnë në Gjermani nuk do të duhet të tregojnë prova të vaksinimit, shërimit ose një test negativ – i njohur si rregulli 3G, shkruan albinfo.ch.

Deri atëherë, personat mbi 12 vjeç duhet të ngarkojnë ose të tregojnë këtë provë përpara se të hyjnë në Gjermani.

Ky kufizim do të lehtësohet deri në fund të gushtit për shkak të rënies së normave të Covid, tha ministri i Shëndetësisë, Karl Lauterbach.

Rregullat më të rrepta për hyrjen nga ‘zonat e variantit të virusit’ mbeten në fuqi – por nuk ka zona variante për momentin.

Një ndryshim tjetër është se Gjermania do të njohë çdo vaksinë të miratuar nga OBSH-ja nga qershori, dhe jo vetëm vaksinat e miratuara nga Agjencia Mjekësore Evropiane (EMA) që ka qenë rasti deri më tani. /Albinfo.ch

---