Vuçiq falënderon Ramën: Pa të Ballkani i Hapur nuk do të mbijetonte

Presidenti i Serbisë, Aleksandar Vuçiq meritën e mbijetesës së nismës për Balllanin e Hapur ia ka lënë kryeministrit shqiptar Edi Rama.

Ai falënderoi Ramën për përkushtimin që ka treguar për vazhdimin e nismës së Ballkanit të Hapur.

“Falënderoj Ramën, i cili ka qenë gjithmonë i fuqishëm. Edhe kur i është kërkuar të heqë dorë nga Ballkani i Hapur, ka treguar vendosmëri që të vijojë ta bëjë. Pa përkushtimin e tij, Ballkani i Hapur nuk mund të mbijetonte”, tha Vuçiç në konferencën për mediat pas nënshkrimit të 4 marrëveshjeve mes Shqipërisë, Serbisë dhe Maqedonisë së Veriut.

“Ballkani i Hapur, projekt i Rusisë? Njësoj si të thuash që Bashkimi Evropian është Jugosllavia e Re”, u përgjigj ai.

“Ballkani i Hapur lindi si ideja e tre njerëzve, por sot është i gjithmonë e më shumë njerëzve. Mjafton të vish në Ohër me makinë dhe të kalosh doganën, për të parë ndryshimin, ku një tabelë e thjeshtë shkruan korridori i gjelbër i Ballkanit të Hapur, që për të gjithë ata që transportojnë produktet e djersës së tyre do të thotë një çlirim i madh”, tha Kryeministri Rama.

 

---