Bitcoin humb 70% të vlerës në treg

Foto ilustrim (Aleksi Räisä)

Çmimi i Bitcoin-it ra nën vlerën 20 mijë dollarë të shtunën, për herë të parë që nga viti 2020. Ky është treguesi më i fundit se shitja masive e kriptomonedhave po zgjerohet.

Bitcoin, kriptomonedha më popullore, ra nën nivelin e 19 mijë dollarë dhe duke vazhduar luhatjen në këtë nivel, sipas faqes së lajmeve për kriptomonedhat CoinDesk.

Hera e fundit që Bitcoin ishte në këtë nivel ishte në nëntor 2020, ndërsa kishte arritur pikun e vlerës në gati 69 mijë dollarë, sipas të dhënave të CoinDesk. Shumë nga ekspertët e kësaj industrie besonin se vlera e monedhës nuk do të binte nën 20 mijë dollarë.

Bitcoin ka humbur tashmë mbi 70% të vlerës së tij që kur arriti kulmin.

Ethereum, një tjetër kriptomonedhë popullore, ka pësuar një rënie të ngjashme gjatë javëve të fundit, dhe pësoi një humbje të ngjashme të shtunën.