Për shkak të agresionit rus, Parlamenti ukrainas ndalon muzikën nga Rusia

Përjashtime do të ketë por ato do të vlejnë vetëm për ata artistë rusë që kanë dënuar publikisht pushtimin rus të Ukrainës

Parlamenti ukrainas, me një vendimtë marrë dje, ka ndaluar emetimin publik të muzikës së artistëve me shtetësi ruse.

Ligjvënësit më të lartë kështu kanë miratuar projektligjin përkatës me një shumicë prej dy të tretash të dielën, ka raportuar deputeti Yaroslav Zheleznyak në kanalin e tij Telegram, shkruan srf.ch.

Arsyetimi për ligjin thoshte se “produkti muzikor i shtetit agresor (Rusisë) mund të ketë një efekt në disponimin separatist të popullatës”, transmeton albinfo.ch. Muzika ruse synon ta bëjë më tërheqës adoptimin e një identiteti rus dhe kështu dëshiron dobësimin e shtetit ukrainas, thuhet më tutje në tekst.

Përjashtimet vlejnë vetëm për ata artistë rusë që kanë dënuar publikisht pushtimin rus të Ukrainës. Për këtë do të ketë një listë të veçantë përjashtimesh nga shërbimi sekret ukrainas, SBU.

Në të njëjtën kohë u ndalua plotësisht importi dhe shpërndarja e librave dhe produkteve të tjera të shtypura nga Rusia, Bjellorusia dhe territoret e pushtuara nga Rusia. Librat nga Rusia i janë nënshtruar censurës që nga viti 2016.

---