Kosova

Të gjithë mërgimtarët që paguan policen e sigurimit, do të rimbursohen nga Qeveria

Secili mërgimtar që ka paguar dhe vazhdon të paguaj policen e sigurimit, do të rimbursohet. Mjafton të aplikoni online

E martë, 28 Qershor 2022 - 14:00 Drin Reçica

Albinfo.ch dje ka raportuar se mërgimtarët që kanë ardhur në Kosovë përmes vijave kufitare, kanë paguar polisat e sigurimit. Kjo e fundit ishte premtuar se shpenzimet e policave do t’i heqë Qeveria e Kosovës, shkruan albinfo.ch.

Shumë mërgimtarë të revoltuar kanë shkruar në adresen e redaksisë se pse kjo po ndodh, përderisa kryeministri i Kosovës pikërisht në një intervistë për Albinfo.ch pati deklaruar se shpenzimet e policave të sigurimit do t’i heqë Qeveria e Kosovës.

Lidhur me këtë temë, Ministria e Financave të Republikës së Kosovës ka deklaruar se të gjithë mërgimtarët që kanë paguar policen e sigurimit, do të subvencionohen.

Ministria e Financave, Punës dhe Transfereve njofton se është lansuar formulari elektronik për subvencionimin e policave kufitare për të gjithë bashkatdhetarët që hyjnë në Republikën e Kosovës gjatë vitit 2022. Ndryshe nga herët e kaluara, këtë vit subvencionimi për polica kufitare do të bëhet duke rimbursuar bashkatdhetarët me vlerën e plotë të primit që kanë paguar në kufi. Aplikimin për rimbursim mund ta bëjnë të gjithë bashkatdhetarët që kanë paguar policën kufitare nga data 1 janar 2022 përmes aplikimit në vegëzën në vijim:

https://masa4-5.rks-gov.net/

Theksohet se në formën elektronike duhet të plotësohen të dhënat personale, të dhënat për policën dhe automjetin, si dhe të dhënat bankare të përfituesit në një bankë në Kosovë. Në këtë rast, përfitues mund të jetë edhe familjari që jeton në Kosovë. Aplikimet do të shqyrtohen dhe verifikohen në baza mujore dhe vlera e rimbursimit të policës kufitare do të transferohet në llogarinë bankare të përfituesit në fund të çdo muaji.
Duke vlerësuar lartë kontributin e diasporës tonë në zhvillimin ekonomik të vendit, Ministria e Financave, Punës dhe Transfereve synon që të lehtësojë barrierat për mërgatën tonë, deri në një zgjidhje të përhershme për Kartonin e Gjelbër, çështje e cila veçse është duke u trajtuar në vazhdminësi nga MFPT dhe ministritë e linjës. /Albinfo.ch

 Të ngjashme

Cendrine Berisha, nga Zvicra drejt botës së modës

 Të tjera nga Kosova

Dërgesa e parë drejt Zvicrës në kuadër të Marrëveshjes Kosovë–EFTA

 E-Diaspora

 Jeta në Gjermani