SHBA: Sulm me armë në Çikago gjatë paradës së pavarësisë

Një sulm me armë ka ndodhur këtë të hënë në zonën e Highland Park të Çikagos në SHBA, gjatë paradës për festën e pavarësisë së vendit.

Autoritetet lokale bënë me dije se po i përgjigjen sulmit, teksa dyshohet se deri më tani një grua ka humbur jetën.

Ende nuk është konfirmuar nëse ka viktima të tjera apo të plagosur nga ky sulm.

Qyteti i Highland Park, një periferi rreth 25 milje në veri të Çikagos, tha se parada është anuluar dhe këshilloi njerëzit të shmangin qendrën e qytetit.

Të shtënat me armë u regjistruan 10 minuta pas fillimit të paradës. Disa dëshmitarë thanë se dëgjuan rreth 20-25 të shtëna.