Ronaldo, i gatshëm për pagë më të ulët për t’u larguar nga Man Utd

Agjenti i Cristiano Ronaldos, Jorge Mendes, thuhet se po reklamon klientin e tij në klube të tjera me një normë jashtëzakonisht të reduktuar nga paga e tij aktuale.

Kanë kaluar gati tri javë që kur Ronaldo ia bëri të qartë Manchester Unitedit se donte të largohej nga klubi, në prag të kthimit të tyre në stërvitjet para-sezonale.

Megjithatë, nuk ka qenë e lehtë për 37-vjeçarin të gjejë një klub të ri, kështu që tani duket se ai do të jetë ende në Old Trafford në fillim të sezonit të Ligës Premier.

Paris Saint-Germain, Bayern Munich dhe Chelsea tashmë thuhet se kanë refuzuar pesë herë fituesin e Topit të Artë, me Atletico Madridin skuadrën e fundit që është lidhur me të.

Ekipi i Diego Simeone do të kishte vështirësi për të përballuar pagën e tij, por sipas reporterit të CBS, Ben Jacobs, ata nuk do të duhet të paguajnë pagën e tij aktuale.

Sipas Jacobs, Mendes po sigurohet që klubet të jenë të vetëdijshme që paga e tij nuk duhet t’i largojë klubet, pasi CR7 është i gatshëm të marrë një ulje page prej 30 për qind, megjithëse kjo do të nënkuptonte ende të paktën 300 mijë funte apo 350 mijë euro në javë.