Në cilat kantone nuk do të ketë fishekzjarrë më 1 gusht në Zvicër

Gjeneva

Temperaturat e larta dhe thatësira e vazhdueshme, si dhe rreziku i shtuar i zjarreve në pyje, kanë detyruar një numër kantonesh dhe komunash të ndalojnë shfaqjet tradicionale të fishekzjarrëve të Ditës Kombëtare të hënën, duke e shtrirë ndalimin edhe për zjarret e hapura, përcjell albinfo.ch.

Deri më tani, ndalimi është në fuqi në Ticino, Valais, Graubünden, Uri, Solothurn, Thurgau, Vaud, Fribourg dhe Neuchâtel.

Gjobat për mosrespektim të kësaj rregulloreje variojnë nga 100 deri në 20,000 franga, në varësi të ashpërsisë së shkeljes dhe kantonit ose komunës ku ndodh shkelja.

Kjo faqe e internetit të Zyrës Federale për Mjedisin tregon se ku rreziku i zjarreve është më i lartë për momentin.