Gërvalla – Lajçakut: Kosova s’ka shtyrë asgjë, vetëm e kemi pauzuar vendimin

Ministrja e Punëve të Jashtme dhe Diasporës, Donika Gërvalla, i ka reaguar përfaqësuesit special të BE-së për dialogun, Miroslav Lajçak, i cili mirëpriti vendimin e Qeverisë së Kosovës për të shtyrë deri më 1 shtator vendimin për reciprocitetin për targa dhe letërnjoftime.

Gërvalla, përmes një postimi në Twitter, ka shkruar se faktet mbeten fakte dhe se shtyrja e vendimit për reciprocitet do të zbatohet vetëm nëse hiqen barrikadat.

“Faktet mbeten fakte. Kosova ka rënë dakord me propozimin e SHBA-së dhe në përputhje me BE-në. Ne ramë dakord për një shtyrje deri më 1 shtator 2022, por vetëm nëse barrikadat hiqen deri më 1 gusht. Reciprociteti do të mbetet realitet, Kosova nuk ka “shtyrë” asgjë, rregullorja për letërnjoftimet ka hyrë në fuqi nga mesnata”, ka shkruar Gërvalla.

Facts remain facts: 🇽🇰 agreed to a 🇺🇸 proposal. in line with the 🇪🇺. We agreed on a pause until Sep 1, 2022 – but only if blockades are being removed by Aug 1. Reciprocity will remain the reality. 🇽🇰 has not "postponed" anything, ID card regulation has been enacted by midnight. pic.twitter.com/hfVUZUFwfq

— Donika Gërvalla-Schwarz (@gervallaschwarz) July 31, 2022