Austria shpallet destinacioni më i mirë për t’u larë në Evropë

Austria në krye të listës

Ani pse nuk ka det, shteti austriak është i njohur për liqenet e saj të bukura, duke përfshirë ujërat alpine. Liqenit Achen në Tirol dhe liqeni Weissen janë renditur destinacioni më i mirë për t’u larë, në krye të listës nga të gjitha shtetet e tjera të botës, me 97.7 për qind të ujërave të deklaruara të shkëlqyera, transmeton albinfo.at.

Agjencia Evropiane e Mjedisit zbuloi se Austria ka liqenet me ujin më të pastër dhe përshtatshëm për t’u larë.

Vendet e tjera me destinacionet më të mira për t’u larë janë Malta, Greqia, Kroacia, Qipro. Danimarka dhe Gjermania.

Cilësia e ujërave për t’u larë në Evropë është përmirësuar në mënyrë dramatike në dekadat e fundit dhe një raport i ri nga Agjencia Evropiane e Mjedisit (EEA) zbulon se pothuajse 85 për qind e zonave të saj të banjës vlerësohen tani “të shkëlqyera”.

Raporti vjetor i ujërave të larjes gjurmoi rreth 22.000 zona larjeje tokësore dhe bregdetare në vendet anëtare të BE-së, Shqipërinë dhe Zvicrën në vitin 2021. Mbretëria e Bashkuar, pas largimit nga BE-ja, mungoi në raport për herë të parë.

Portugalia është në vendin e 10-të me 88.5 për qind, ndërsa Italia (87.9 për qind) dhe Spanja (87.4 për qind) janë përkatësisht në vendin e 12 dhe 13.

Pikat e nxehta turistike të Francës mbeten prapa në renditje, me 75.7 për qind, ndërsa Polonia renditet më e ulëta me vetëm 44.5 për qind – pas Sllovakisë me 50 për qind dhe Hungarisë me 60.2 për qind.

Vlerësimi është bërë nga Agjencia Evropiane e Mjedisit në bashkëpunim me Komisionin Evropian. Autoritetet lokale dhe kombëtare morën mostra uji gjatë sezonit të larjes dhe i analizuan ato për llojet e baktereve që tregojnë ndotjen e ujërave të zeza dhe blegtorinë.

Ujërat u shënuan më pas “të shkëlqyera”, “të mirë”, “mjaftueshëm” ose “të këqija”, sipas standardeve të Bashkimit Evropian.

 

 

---