Zvicra, që nga pranvera po përjeton ngrohtësi rekorde

Temperatura mesatare në Zvicër në pranverë dhe dy muajt e parë të verës nuk ka qenë kurrë më e lartë që nga viti 1864 sesa është këtë vit

Në vitin 2022, Zvicrën e kanë përshkuar tashmë disa valë të të nxehtit që do të mbahen mend. Shpesherë gjatë këtij viti, duke filluar nga pranvera ka qenë jashtëzakonisht ngrohtë, transmeton albinfo.ch.

Temperatura mesatare në Zvicër në pranverë dhe dy muajt e parë të verës nuk ka qenë kurrë më e lartë që nga viti 1864 sesa është këtë vit, shkruan srf.ch.

Njësoj i ngrohtë ishte vetëm viti i “verës së shekullit” 2003.

Për temperaturat mesatare midis marsit dhe korrikut, është grafikisht e qartë se vlerat e larta të këtij viti janë pjesë e tendencës afatgjatë të shkaktuar nga ndryshimet klimatike.

Pak reshje

Përveç temperaturave të larta, të gjithë po flasin aktualisht për thatësirën. Në fakt, në shumë vende të Zvicrës, në pranverë dhe në fillim të verës rrallë ka pasur aq pak reshje sa në vitin 2022, përcjell albinfo.ch. Këtë e tregojnë shembujt e Bernës dhe Gjenevës.

Përveç kësaj, ka edhe rajone ku reshjet janë më shumë në intervalin e zakonshëm, për shembull në shpatin verilindor të Alpeve.

Thatësira çon në nivele relativisht të ulëta në shumë ujëra (liqene dhe lumenj) në Zvicër. Vëllimi i ulët i ujit, i kombinuar me temperaturat e larta të ajrit, ka rezultuar në temperatura të larta rekord të ujit këtë verë. Vlerat e reja rekord u regjistruan së fundmi në Aare në Bernë ose në Inn në Engadin.

---