Kosova s’mund të ketë Asociacion njëetnik 

Ministri i Administrimit të Pushtetit Lokal, Elbert Krasniqi, ka thënë sot se Kosova është shtet multietnik dhe si i tillë, nuk mund të ketë Asociacion njëetnik.

Komentet ai i bëri kur foli për kërkesën potenciale të Washingtonit dhe Brukselit zyrtar, për një ide të një modeli europian për formimin e Asociacionit, përcjell Albinfo.ch.

”Kosova është shtet multietnik dhe në një shtet multietnik, nuk mund të ketë Asociacion njëetnik. Ky është një qëndrim që tanimë të gjithë e kemi shumë të qartë dhe nuk besoj që kemi çka të shtojmë përtej kësaj për shkak se çkado që është ndërtuar deri më sot, është ndërtuar mbi frymën e një shteti multietnik, e nuk mund të dalim jashta frymës kushtetuese të Kosovës”, tha ai.

Tutje shtoi se në Ligjin për vetqeverisje lokale është paraparë pjesa ku komunat mund të organizojnë asociacione, madje kjo pjesa e organizimit të tyre është e precizuar edhe me ligjin për OJQ.

Ai theksoi se githçka mund të ndodhë brenda këtyre kornizave.

”Kosova është shtet multietnik, dhe në një shtet multietnik nuk mund të ketë Asociacion njëetnik. Ky është një qëndrim që tanimë të gjithë e kemi shumë të qartë dhe nuk besoj që kemi çka të shtojmë përtej kësaj për shkak se çkado që është ndërtuar deri më sot, është ndërtuar mbi frymën e një shteti multietnik, e nuk mund të dalim jashta frymës kushtetuese të Kosovës”, tha ai./Albinfo.ch