Trupat kineze dhe ato ruse, stërvitje të përbashkëta në Rusi

Ministria e Mbrojtjes e Kinës tha se stërvitjet e përbashkëta nuk lidhet me situatën aktuale ndërkombëtare dhe rajonale.

Ministria e Mbrojtjes e Kinës ka thënë se trupat kineze do të udhëtojnë në Rusi për të marrë pjesë në stërvitjet e përbashkëta ushtarake të udhëhequra nga vendi pritës.

Ai tha në një deklaratë se pjesëmarrja e Kinës në stërvitjet e përbashkëta nuk lidhet me situatën aktuale ndërkombëtare dhe rajonale, përcjell Albinfo.ch.

Muajin e kaluar, Moska njoftoi planet për të mbajtur stërvitjet “Vostok” (Lindje) nga 30 gushti deri më 5 shtator, edhe pse ajo zhvillon një luftë të kushtueshme në Ukrainë.

Në këtë stërvitje janë ftuar të marrin pjesë edhe trupat ushtarake të Indisë, Bjellorusisë, Mongolisë, Taxhikistanit dhe vendeve të tjera

Ministria e Mbrojtjes e Kinës tha se pjesëmarrja e saj në stërvitje ishte pjesë e një marrëveshjeje të vazhdueshme dypalëshe bashkëpunimi vjetor me Rusinë.

“Qëllimi është të thellohet bashkëpunimi praktik dhe miqësor me ushtritë e vendeve pjesëmarrëse, të rritet niveli i bashkëpunimit strategjik midis palëve pjesëmarrëse dhe të forcohet aftësia për t’iu përgjigjur kërcënimeve të ndryshme të sigurisë”, thuhet në deklaratë.

Nën presidentin kinez Xi Jinping dhe homologun e tij rus Vladimir Putin, Pekini dhe Moska janë afruar gjithnjë e më shumë.

Një vit më parë këtë muaj, Rusia dhe Kina zhvilluan stërvitje të përbashkëta ushtarake në Kinën veri-qendrore, duke përfshirë më shumë se 10 mijë trupa./Albinfo.ch/

---