Humb jetën mërgimtari shqiptar në një lumë të Italisë

Për shkak të rrymave të forta dhe gropave të thella

Mediat italiane raportojnë se një burrë, me orgjinë shqiptare, ka humbur jetën ditën e djeshme para syve të bashkëshortes ndërsa ishte duke u larë në lumin Po, transmeton albinfo.ch.

Mosha e shqiptarit ishte 55-vjeç, me banim në Pavia. Thuhet se ai është futur për t’u larë në lumin Po, dhe sapo ka arritur në pikën ku dy lumenjtë Po dhe Ticino bashkohen, nuk ka mundur dot të dalë më.

Ka qenë bashkëshortja e 55-vjeçarit, e cila ka dhënë alarmin, pasi pa që burri i saj nuk po dukej më. Shqiptari është zhytur në ujë në orën 17:00 dhe trupi i pajetë i tij është nxjerrë nga lumi nga ana e palombarëve dy orë më vonë, rreth 200 metra nga ku është parë për herë të fundit.

Sipas autoriteteve, pavarësisht thatësisë historike këtë verë, larja në këtë zonë të lumit Po është veçanërisht e rrezikshme për shkak të rrymave të forta dhe gropave të thella. /Albinfo.ch

---