Vedat Muriqi, golashënuesi i dytë në La Liga

Sulmuesi kosovar, Vedat Muriqi, është duke kaluar momentin e tij më të mirë në karrierë, teksa ka shënuar sërish ndaj Atletico Madridit në La Liga, një gol që i dha 3 pikë shumë të rëndësishme ekipit të tij, përcjell albinfo.ch.

Sulmuesi “dardan” ishte në kohën e duhur në momentin duhur në minutën e 16-të, kur shtyu topin drejt rrjetës. Momentalisht ai është golashënuesi i dytë me i mirë në Spanjë me 8 gola dhe 1 asist, ndërsa më mirë se ai ka bërë vetëm Robert Levandovski i Barcelonës.

Ekipi i Majorka-s është duke kaluar një moment të mirë, teksa në 4 ndeshjet e fundit ka shënuar 3 fitore dhe një barazim dhe ndodhet në vendin e 10 në rënditje. Ndërkohë Atletiko Madridi po kalon një mini-krizë, pasi në 3 ndeshjet e fundit ka marrë vetëm një pikë dhe pozicionohet në vendin e 6-të.