Kurti u prit nga Macroni në një darkë në Pallatin Élysée

Kurti: Kishim nderin dhe kënaqësinë të jemi në darkën solemne në Pallatin Élysée

Kryeministri Albin Kurti ka qenë i ftuar në darkën e shtruar në Pallatin Elysee nga Presidenti dhe Zonja e Parë e Francës, Emmanuel dhe Brigite Macron. Bashkë me Kurtin ka qenë edhe gruaja e tij, Rita Augestad Knudsen.

Pamjet nga kjo darkë, Kurti i ka publikuar sot në Facebook.

“Pas diskutimeve në Forumin e Paqes në Paris, mbrëmë patëm nderin dhe kënaqësinë të jemi në darkën solemne në Pallatin Élysée. Bashkë me gruan time Ritën, u pritëm nga Presidenti Francez Emmanuel Macron dhe Zonja e Parë e Francës, Brigitte Marie-Claude Macron”, ka shkruar Kurti.

Në këtë darkë e pranishme ishte edhe presidentja e Kosovës, Vjosa Osmani me bashkëshortin e saj, Prindon Sadriu.

Osmani e Kurti po qëndrojnë në Paris në kuadër të Forumit të Paqes që po mbahet atje.

---