Ligji për vetëvrasje të asistuar miratohet në Valais

(KEYSTONE/Laurent Gillieron)

Votuesit në kantonin e Valais kanë dalë në favor të një ligji të diskutueshëm që rregullon kujdesin paliativ dhe vetëvrasjen e asistuar në shtëpitë e kujdesit të rajonit, transmeton albinfo.ch.

Ligji për kujdesin paliativ dhe kushtet kornizë për vetëvrasjen e asistuar në institucione dhe objekte u miratua nga 75.8% e votuesve në kanton të dielën. Pjesëmarrja ishte pothuajse 40%.

Kjo do të thotë se ata që vuajnë nga një sëmundje e rëndë dhe e pashërueshme ose nga pasojat e një aksidenti do të mund të zgjedhin t’i japin fund jetës së tyre, pavarësisht institucionit në kantonin ku ata qëndrojnë.

Ligji përcakton kushtet për vetëvrasjen e asistuar, por edhe për kontrollet e duhura. Në veçanti, siguron që praktika të “mbikëqyret dhe të mos çojë në abuzime”. Kujdestarët që nuk dëshirojnë ta kryejnë këtë detyrë mund të tërhiqen.

Për sa i përket kujdesit paliativ, legjislacioni i ri thekson “rëndësinë e këtij lloji të kujdesit në sistemin shëndetësor publik të Valais” dhe siguron që aksesi në të të jetë i garantuar.

Kishte pasur shumë debate për ligjin në prag të votimit. Ndërsa Partia Radikale e majtë dhe e qendrës së djathtë ishin ndër mbështetësit e vetëvrasjes së asistuar, Partia Popullore Zvicerane e krahut të djathtë dhe Kisha Katolike u shprehën kundër saj, transmeton tutje albinfo.ch.