Xhaka flet për fanellën “Jashari”

(KEYSTONE/Laurent Gillieron)

Granit Xhaka ka festuar pas ndeshjes me Serbinë, duke mbajtur veshur fanellën e bashkëlojtarit, Ardon Jashari, shkruan albinfo.ch.

Kjo ka çmenduar mediat serbe që kanë bërë lloj-lloj komentesh për këtë veprim të mesfushorit shqiptar. Por Xhaka ka mohuar në konferencë që kjo ka të bëjë me ndonjë provokim.

“Jo, asnjë prapavijë politike. Ka ardhur i ri në ekip. Unë isha në situatë sikur ai, meriton respekt. Shihemi çdo ditë, kalojmë shumë kohë së bashku. Gjithnjë pas ndeshjes mbaj fanellën e tij. Këtë e kam bërë pikërisht tani”, ka thënë Xhaka, raportojnë mediat serbe.