Media serbe: Granit Xhaka e Xherdan Shaqiri ia dolën të nxjerrin jashtë Botërorit Serbinë

Mediat serbe vazhdojnë ta ‘vajtojnë’ humbjen nga Xhaka dhe Shaqiri

Duket se eliminimi nga Botërori djeg pa dyshim shumë serbë, megjithatë mediat atje kanë zgjedhur të merren me Granit Xhakën dhe reagimin e tij pas provokimeve të shumta.

Shumë media shkruajnë se dy futbollistët me origjinë shqiptare të Zvicrës, Granit Xhaka e Xherdan Shaqiri, ishin në shënjestër të tifozerisë serbe dhe jo vetëm, por ia dolën të menaxhojnë mirë situatën dhe të nxjerrin jashtë Botërorit Serbinë.

Nga ana tjetër, Veçerenje Novosti ka shkruar: “Provokimi shqiptar: Xhaka, turp të kesh, shqiptari me veprime të ndyra ka provokuar futbollistët e Serbisë”.

“Xhaka ua shau nënat lojtarëve të Serbisë dhe më pas u kap mes këmbëve. Sjellja shokuese e provokatorit më të madh në botë”, ka shkruar Kurir.rs. “Fyerje të turpshme të provokatorit më të madh, Granit Xhaka ka sharë lojtarët tanë”, shkruan alo.rs.

---