Gruaja e gjen të pajetë në shtëpi, vritet 48-vjeçari shqiptar në Itali

E rëndë në Itali, shqiptari gjendet i masakruar për vdekje në banesën e tij.

 

Një 48-vjeçar shqiptar është gjetur i pajetë në banesën e tij në Itali. Mediat fqinje raportojnë se shqiptari është dhunuar për vdekje brenda banesës së tij në Roça Priora, në Via Sassone, përcjell albinfo.ch.

Alarmi është dhënë nga gruaja e viktimës rreth orës 11.00 të paraditë së djeshme. Viktima, babai i tre fëmijëve, ishte i njohur dhe i respektuar në lagjen ku banonte. Shqiptari u pa në supermarket pak minuta para se të vritej.

Në vendngjarje shkuan menjëherë karabinierët e komandës Frascati, të cilët nisën të kryenin konstatimet e nevojshme. Po ashtu janë duke u kontrolluar edhe kamerat e vëzhgimit në zonë. 48-vjeçari Petrit Caka kishte shoqëruar fëmijët e tij në shkollë mëngjesin e djeshëm, ndërsa gruaja kishte shkuar të punonte si punëtore shtëpiake. Ishte ajo që e gjeti të pajetë të shoqin në banesë, ndërsa dha alarmin në polici. Mes pistave që po heton policia është se shqiptari mund të jetë vrarë për ndonjë borxh.

---