Kurti mbledh Këshillin e Sigurisë, thotë se nuk negocion me banda kriminale në veri

Nisur nga zhvillimet e ditëve të fundit në veri të Kosovës, kryeministri Albin Kurti ka mbledhur pasdite në takim Këshillin e Sigurisë së Kosovës.

Sipas njoftimit të Qeverisë së Kosovës, strukturat ilegale si dhe grupet kriminale po vazhdojnë të kryejnë akte ekstremiste ndaj qytetarëve të Republikës, institucioneve shtetërore, ndaj pjesëtarëve të Policisë së Kosovës, gazetarëve, ndaj pjesëtarëve të misionit të EULEX-it dhe njësive patrulluese të KFOR-it, përcjell albinfo.ch.

“Qeveria dhe institucionet e Republikës së Kosovës nuk mund të dialogojnë me banda kriminale”, thuhet mes tjerash në njoftim, derisa theksohet se liria e lëvizjes duhet të rivendoset dhe se nuk duhet të ketë barrikada në asnjë rrugë.