Mërgimtari nga Austria: Barrikaduesit kanë gjuajtur shok-bomba

Mërgimtari që hasi në barrikada: Kanë gjuajtur me shok-bombë, bllokimi u bë në prezencë të policisë, përcjell albinfo.ch.

Raportohet se një mërgimtari që ishte nisur nga Austria për në Kosovë i është bllokuar rruga në Kurshumli, aty serbët vendosen barrikada.

Mërgimtari A.Z. ka thënë se barrikaduesit kanë gjuajtur edhe me shok-bomba, teksa shtoi se bllokimi i rrugës u bë në prezencë të policisë.

“Shumica e shqiptarëve atje kanë qenë të bllokuar. Na kanë bllokuar rrugën me traktor dhe me disa kerre. Kanë gjuajtur shok-bomba. Policia ka qenë prezente aty kur na kanë bllokuar rrugën”, është shprehur ai për Klankosova.

Tutje, ai shtoi se ishte kthyer për në pikëkalimin kufitar tek Dheu i Bardhë.

Kujtojmë se Ministria e Punëve të Jashtme ka bërë thirrje që të përdoren pikëkalime kufitare të tjera, pasi ai në Merdar tashmë është i bllokuar.