Edhe Policia e Kosovës u bën thirrje mërgimtarëve që të përdoren pikëkalime të tjera kufitare

Policia fton qytetarët të mos kalojnë kah pikat kufitare në Jarinjë, Bërnjak dhe Merdarë

Qytetarë të shumtë janë mbledhur afër pikëkalimit kufitar në Merdar, pas barrikadës së vendosur në anën e Serbisë, rreth 2 kilometra rreth kufirit, përcjell albinfo.ch.

Policia e Kosovës është duke i udhëzuar ata që t’i njoftojnë familjarët e tyre në mënyrë që të njëjtit të përdorin pikëkalime kufitare të tjera, si Dheu i Bardhë ose nga Maqedonia e Veriut.

Një njoftim të tillë e ka dhënë edhe Ministria e Punëve të Jashtme, ku tha se grupe kriminale e kanë bllokuar pikën kufitare në Merdar gjatë mbrëmjes të së martës.

 

---