2023: Më shumë trena në Zvicër, orare më të rrepta dhe saktësi në kohë

pixabay

SBB në një njoftim zyrtar tregon se këtë vit do të ketë më shumë trena, orare më të rrepta dhe gjithmonë në kohë, përcjell albinfo.ch.

Në njoftim thuhet se rrjeti hekurudhor zviceran duhet të përdoret në mënyrë më efikase, në mënyrë që të krijohet një rrjet i madh S-Bahn për gjithë Zvicrën.

Ky është objektivi që synon CEO i SBB Vincent Ducrot, i cili në një intervistë të publikuar nga NZZ am Sonntag flet për një zhvillim të domosdoshëm teknologjik për të lejuar lëvizjen e më shumë trenave përgjatë binarëve ekzistues.

E thënë thjesht, vizioni i Ducrot është për më shumë trena, orare më të ngushta dhe gjithmonë në kohë. Me këtë në mendje, gjatë vitit 2023 SBB do të nisë një tender për bllokime të reja dixhitale që mund të kontrollojnë operacionet hekurudhore në mënyrë më efikase.