Chollet: Kërkoj vazhdimin e dialogut mes Kosovës dhe Serbisë

Këshilltari i Departamentit Amerikan të Shtetit, Derek Chollet, sot nga Prishtina do të udhëtojë për në Beograd, ku do të bisedojë me përfaqësuesit më të lartë të Serbisë, përcjell albinfo.ch.

Chollet fillimisht do të ketë një drekë pune me presidentin e Serbisë, Aleksandar Vuçiq, ndërsa më pas do të takohet ndaras me kryeministren Ana Bërnabiq dhe ministrin e Punëve të Jashtme, Ivica Daçiq.

Një nga temat e bisedës do të jetë vazhdimi i dialogut ndërmjet Kosovës dhe Serbisë, duke përfshirë edhe planin franko-gjerman për Kosovën, të cilin BE-ja e miratoi.