Mërgimtari mbetet pa kulm mbi kokë, iu dogj banesa në Gjermani derisa ishte për pushime në Kosovë

Erdhi për pushime të fundvitit në Kosovë. Por natën e Vitit të Ri Hazir Stublla, i cili jeton në Gjermani përjetoi një ngjarje të rëndë. Atij iu dogj e tërë banesa në vlerë prej 100 mijë eurosh në Gjermani, derisa ai ishte për pushime në Kosovë. Kjo ngjarje bëri që ai dhe familja e tij (gruaja dhe katër fëmijët), të mbesin pa kulm mbi kokë, përcjell albinfo.ch.

Stublla kishte marrë video nga fqinjët e tij teksa kishe ndodhur rasti i rëndë, shkruan gazeta gjermane BILD. Por emir i Stubllës nuk është i panjohur për mediat në Gjermani. 49-vjeçari, i cili punon si taksist, njihet për gjestin e bërë ndaj portierit të kombëtares gjermane, Manuel Neuer. Ai ia kishte kthyer portofolin me para në vlerë prej 800 eurosh bashkë me kredit kartelat dhe dokumentet personale. Hazir Stublla kishte udhëtuar 120 kilometra për t’ia dhënë atij portofolin.