Eurodeputeti Lukas Mandl nderohet me Doctor Honoris Causa nga Universiteti “Kadri Zeka”

Dorzimi i këtij çmimi u bë në orën 15:00, në sallën e Teatrit të qytetit të Gjilanit.

Universiteti Publik “Kadri Zeka” në Gjilan nderoi me çmimin “Doctor Honoris Causa” anëtarin e Parlamentit Evropian, Lukas Mandl, përcjell albinfo.at.

Dorzimi i këtij çmimi u bë në orën 15:00, në sallën e Teatrit të qytetit të Gjilanit.

Prorektori i këtij Universiteti, Dukagjin Leka, ka thënë për Demokracia.com se Senati i Universitetit Publik “Kadri Zeka” ka vendosur për t’i dhënë titullin Doktor Honoris Causa deputetit austriak në Parlamentin Evropian, z. Lukas Mandl, për përkushtimin e tij për të ndihmuar Kosovën në rrugën e saj drejt integrimeve evropiane si dhe për shumë çështje të tjera.

“UKZ-ja është e nderuar me një vendim të tillë, i cili titull jepet vetëm për personalitete që kontribuojnë shumë për diplomacinë, paqen, politikën, shoqërinë, kulturën, arsimin e kështu me radhë, e për të cilat z. Mandl njihet për të gjitha këto kontribute në favor të Kosovës”, ka thënë Leka.

---