Scholz mohon të ketë marrë kërcënime nga Putin

Kancelari gjerman, Olaf Scholz, ka thënë në një intervistë për gazetën gjermane Bild se presidenti rus, Vladimir Putin, nuk e ka kërcënuar as atë, as Gjermaninë.

Deklarata e tij vjen disa ditë pasi osh-kryeministri britanik, Boris Johnson, ka thënë për transmetuesin britanik, BBC se lideri rus e ka kërcënuar atë me sulm raketor që do të mund të ndodhte “brenda një minute”, përcjell albinfo.ch.

Kremlini ka thënë se Johnson ka gënjyer.
Scholz ka thënë se në bisedimet që ka pasur me Putinin e ka bërë të qartë se ata kanë qëndrime shumë të ndryshme për luftën në Ukrainë.
“E bëj shumë të qartë për Putinin që Rusia është përgjegjësja e vetme për luftën”, ka thënë Scholz.
“Rusia e ka pushtuar fqinjën e saj pa arsye, për të marrë disa pjesë, apo gjithë Ukrainën nën kontrollin e saj”, ka thënë Scholz.