Rrëfime të të mbijetuarve të tërmetit të cilët qëndruan 38 orë nën rrënoja

Keystone (IHA agency via AP)

Gra që qajnë, të mbijetuar, pritje në radhë për bukë, kërkime për trupa nën rrënoja dhe shpërndarja e ndihmave. Është kjo panorama pas 38 orësh e epiqendrës së tërmetit në Kahramanmaras të Turqisë.

Ndërkohë që ekipet e kërkim shpëtimit vijojnë nxjerrjen e trupave nga rrënojat, në videon e publikuar nga Reuters, shihen të mbijetuarit e epiqendrës së tërmetit që qajnë për të afërmit e humbur, ndërtesat e shembura, teksa ankohen edhe për ndihmën e vonë, por edhe me lutjen për të mos i braktisur.

Një nga të mbijetuarit shprehet: “Të gjitha ndërtesat janë shembur këtu, janë shkatërruar plotësisht, nuk ka mbetur asnjë gjurmë. Nuk ka objekte në këmbë. Ne presim këtu që nga dje, ndihma sapo ka ardhur. Fatkeqësisht ata u vonuan”.

Në video shihen trupa me uniformë që shpërndajnë ndihma dhe ushqim për ta. Një tjetër i mbijetuar ankohet për Marashin, zonën tjetër të goditur nga tërmeti tragjik.

“Pse nuk e ndihmojnë Marashin, ju lutem filmoni këta njerëz, kam që në prën 6 të mëngjesit në në radhën e tendës, po pres në radhën e bukës dy ditë, jemi të pafuqishëm, për Zotin mos na braktisni. Kjo nuk është drejtësi, të gjithë po luftojnë