Përdoruesit e Instagramit dhe Facebook-ut mund të verifikojnë profilet e tyre me pagesë

Përdoruesit e Instagramit dhe Facebookut tani do të mund të paguajnë që të marrin shenjën blu të verifikimit, tha kompania Meta.

Shërbimi do të kushtojë 12 dollarë në muaj në ueb dhe 15 dollarë për përdoruesit celularë të iPhone.

Shërbimi do të bëhet i disponueshëm në Australi dhe Zelandën e Re këtë javë, dhe sipas drejtorit ekzekutiv të Meta, Mark Zuckerberg, masa do të përmirësojë sigurinë dhe origjinalitetin në rrjetin social.

Shërbimi i abonimit nuk është ende i disponueshëm për bizneset, por individët do të mund të paguajnë për profil të verifikuar.

Shenja blu ose distinktivi blu përdoret si një mjet verifikimi për llogaritë e përdoruesve të profilit të lartë për të treguar vërtetësinë e tyre./BBC