BE me ndihma ajrore humanitare për Sirinë e prekur nga tërmeti

pixabay

Si pjesë e një ure ajrore ndihma humanitare për Sirinë nga Bashkimi Evropian, me dy avionë, ndihma emergjente zbarkoi dje në Damask për të ofruar mbështetje të mëtejshme për popullsinë siriane të prekur nga tërmeti.

”Janë dorëzuar mallra esenciale si tenda dimërore, pajisje kampi dhe ngrohës”, deklaroi Komisioni Evropian duke theksuar se në përgjithësi ura ajrore humanitare e BE-së për në Siri do të përbëhet nga 420 tonë ndihma në vlerë prej 1,1 milionë euro, transmeton ansa përcjell albinfo.ch.

Pesëmbëdhjetë vende evropiane, përfshirë Italinë, u përgjigjën për aktivizimin e mekanizmit të mbrojtjes civile të BE-së duke siguruar tenda, shtretër, batanije, soba, gjeneratorë, ushqime dhe pajisje mjekësore.