Lajçak tregon për lokacionin e takimit të ardhshëm Kurti-Vuçiq -Borell

Miroslav Lajčák

Ohri i Maqedonisë së Veriut do të jetë qyteti ku do të mbahet takimi mes Kosovës dhe Serbisë që është paralajmëruar të ndodhë më 18 mars, përcjell albinfo.ch.

Kjo u bë e ditur nga vetë emisari i Bashkimit Evropian për dialogun Kosovë-Serbi, Miroslav Lajçak.

“Pata një takim të shkëlqyer me zv. Mariçiq. I jam mirënjohës Maqedonisë së Veriut për mbështetjen e fortë ndaj dialogut dhe mezi pres takimin e radhës të dialogut në Ohër më vonë këtë muaj. Diskutuam gjithashtu çështje thelbësore për të ardhmen evropiane të Maqedonisë së Veriut”, ka shkruar Lajçak në Twitter.

Palët në takimin e 27 shkurtit në Bruksel janë pajtuar që të mos ketë më takime për planin franko – gjerman.