900 miliardë euro mund t’i kushtojnë Gjermanisë dëmet nga ndryshimet klimatike

Foto Ilustrim

Një studim i titulluar “Kostot e ndikimeve të ndryshimeve klimatike në Gjermani” nxjerr në pah se kostoja mesatare vjetore do t’i shkaktojë Gjermanisë 900 miliardë euro. Kjo shumë llogaritet në kuadër të mbulimit të dëmeve të shkaktuar nga moti ekstrem deri në vitin 2050, shkruan DW, përcjell albinfo.ch.

Sipas studimit në rastin më të mirë, kostoja do të jetë 280 miliardë, por që mund të arrijë deri në 900 miliardë. Parashikimet që ka nxjerrë raporti ka llogaritur që brenda kësaj periudhe ndryshimet ekstreme të nxehtësisë dhe përmbytjeve që do rriteshin nga 1,5 herë deri në 5 herë në vit për Gjermaninë.

Raporti ka rekomanduar dhe përllogaritur edhe shpenzimet që do t’i kushtojnë Gjermanisë për shtimin e hapësirave të gjelbra. Megjithatë thekson se është e pamundur të maten pasojat e ndryshimeve klimatike dhe kostos që do të kenë.